Andoaingo jaialdia 2016-06-27

Entzule eta bertsolariak parez pare Andoainen

Urtero bezala, aurten ere Andoaingo San Juan egunez bertso-saioa egin zen Andoaingo plazan. Andoni Egaña, Onintza Enbeita, Aitor Mendiluze, Miren Amuriza, Agin Laburu eta Amaia Agirre aritu ziren kantuan. Euria zela eta, entzuleak ere oholtzan babestu ziren.

Asteburuan San Juan jaiak ospatu dituzte Andoainen. Aurten ere, San Juan egunez, bertso-jaialdia egin zuten plazan. Dena den, saio aurretik hasitako zaparrada zela eta, azkenean entzuleak ere oholtzako karparen azpian babestu ziren. Gertuko saioa osatu zuten honako sei bertsolari hauek kantuan zirela:

Andoni Egaña
Onintza Enbeita
Agin Laburu
Miren Amuriza
Amaia Agirre
Aitor Mendiluze

Azken urteetako ohiturari segiz, Ion Beloki aritu zen gai-jartzaile lanetan. Bertsoaldirik onenak ikusgai daude Bertsoan.