Bertso Jazza 2016-07-21

Dena prest dago Bertso Jazzerako

 Igande honetan bigarrenez izango du bertsoak tartea Donostiako Jazzaldiaren baitan. Berriz ere Bertso Jazza egingo da orduan, baina aldaketa dezente izango dira azkeneko alditik, bertsolarietatik hasita. Igandean, honako bertsolari hauek ariko dira kantuan:

 Jon Maia
 Miren Amuriza
 Andoni Egaña
 Beñat Gaztelumendi

 Aldamenean bost musikari ezagun izango dituzte lagun: Bixente Martinez, Amaiur Cajaraville, Hasier Oleaga, Xabier Zeberio eta Julen Izarra. Gai-jartzaile lanetan, berriz, Unai Elizasu jardungo da.

 Victoria Eugenian

 Saioa gaueko 22:00etan izango da Donostiako Victoria Eugenia antzokian. Sarrerak eskuratzeko aukera dago oraindik hemen klik eginda.

 Aste honetan prestaketa lanetan aritu dira bertsolari, gai-jartzaile eta musikariak eta dena prest dago iganderako.

• 
•