Agenda 2016-08-10

Donostian bost saio izango dira Aste Nagusian

 Larunbat honetan abiatuko da Donostiako Aste Nagusia eta, azken urteotan ohikoa den moduan, bertsoak bere lekua izango du bertan.

 Jaialdiak Easo Plazan

 Azken urteotan Easo plaza bihurtu da bertsozaleen erreferentzia Aste Nagusian. Aurtengoan hiru jaialdi egingo dira, denak eguerdiko 12:00etan:

 ABUZTUAREN 15a, ASTELEHENA
  Uxue Alberdi
  Beñat Gaztelumendi
  Oihana Iguaran
  Agin Laburu
   Gai-jartzailea: Amaia Agirre
 
 ABUZTUAREN 17a, ASTEAZKENA
  Unai Agirre
  Unai Gaztelumendi
  Jon Maia
  Alaia Martin
   Gai-jartzailea: Iker Iriarte

 ABUZTUAREN 19a, OSTIRALA
  Amets Arzallus
  Asier Azpiroz
  Maialen Lujanbio
  Aitor Mendiluze
   Gai-jartzailea: Unai Elizasu

 Ointziola Sariketa

 Donostiako Piratetako Eskifaia Kofradiak "Ointziola" sariketa antolatu du, gainera, aurtengoan. Ostiralean izango da finala, Flamenka gunean, bazkalostean.

 Saio musikatua

 Horrez gain, Donostiako Piratek beste saio bat ere antolatu dute. Hilaren 16an, asteartez, bertso-saio musikatua egingo da Trinitate Plazan afalostean. Unai Gaztelumendi ariko da gai-jartzaile lanetan eta Ixak Arruti eta Eneko Sierra musikari. Bertsotan, berriz, honako laukote hau da jardutekoa:

  Izarne Zelaia
  Beñat Gaztelumendi
  Alaia Martin
  Arkaitz Oiartzabal "Xamoa"

• 
•