Xabier Leteren obra 2016-09-10

'Gabon Txirrita' antzezlana gaur Donostian

1982an Xabier Lete 'Gabon Txirrita' obra taularatu zuen, antzezle urnietarren eskutik. Txirritaren heriotzaren 80. urtea dela eta, Joxean Goikoetxeak, Xabier Leterekin harreman estua zuen musikariak, antzezlana berpiztea proposatu zion Donostia 2016ri, eta bihar ikusi ahal izango da Donostian, Trinitate plazan. Txirritari egiten zaion epaiketa da obraren haria. Mikel Laskurain eta Miren Gojenola ari dira zuzendari lanetan eta aktoreak gehienak urnietarra dira, 82ko antzezpen hartan bezala. Donostiako emanaldiaz gain, Urnietan ere ikusi ahal izango da Irailaren 23an. Gaurko emanaldirako sarrera guztiak salduta daude. 21:00etan izango da.

Atxagaren bertsioa abenduan
Donostia 2016ren eskutik, Bernardo Atxagak 'Gabon Txirrita' obraren beste bertsio bat eskainiko du, apustu abanguardistagoa, Xabi Payaren hitzetan. Moldaketa horretan, Txirrita ez ezik, Xabier Lete eta Lurdes Iriondo ere agertzen dira edo sugeritzen behintzat.

• 
•