Xilaba 2016-09-28

Larunbatean Müskildin jokatuko da bigarren kanporaketa

 Joan zen larunbatean abiatu zen Xiberoa, Lapurdi eta Baxenabarreko Bertsulari Xapelketa Donibane Lohizunen. Larunbat honetan bigarren kanporaketa jokatuko da Müskildiko Posonpesenea gelan. Arratsaldeko 17:00etan hasiko da saioa eta honako bertsolari hauek ariko dira kantuan:

 Aitor Servier
 Battit Crouspeyre
 Eneritz Zabaleta
 Maddi Sarasua
 Ortzi Idoate
 Xumai Murua

 Xan Alkhat izango dute gai-emaile.

 Egin beharreko lana
 
 Bertsolariek 11na bertso puntuagarri kantatuko dituzte. Honako hauek dira egin beharreko ariketak:

 -8ko handian ofiziotan binaka, hiruna bertso
 -8ko txikian ofiziotan binaka, hiruna bertso
 -Bi punturi erantzun eta hitz bat emanda bertso bat (gehienez 5 puntukoa)
 -Kopla handian binaka, launa kopla bakoitzak

 Sarrerak bertan salgai

 Sarrerak Müskildiko Posonpesenea gelan bertan eskuratu ahal izango dira. Finaleko sarrerak internetez eskuratu daitezke www.bertsosarrerak.eu atarian, eta baita Xiberoa, Lapurdi eta Baxenabarreko hainbat puntutan ere.

 Sailkapena

 Larunbateko kanporaketaren ondoren, 9 bertsolari sailkatuko dira bigarren fasera. Momentuz honela dago sailkapena:

 1.- Amets Arzallusek      399,5 puntu
 2.- Miren Artetxek        363 puntu
 3.- Ramuntxo Christyk     331,5 puntu
 4.- Nahia Sascok          327 puntu
 5.- Egoitz Zelaiak        320,5 puntu
 6.- Kerman Díazek         301 puntu

• 
•