Xilaba 2016-10-06

Larunbatean hasiko dira finalaurrekoak

 Xiberoa, Lapurdi eta Baxenabarreko Bertsulari Xapelketa finalaurrekoetara iritsi da. Larunbat honetan hasiko da lehenengo itzulia, Baigorriko Plaza Xokon, arratsaldeko 17:00etatik aurrera. Kanporaketetatik sailkatutako bederatzi bertsolariei orain dela bi urteko finaleko lehenengo hiru sailkatuak batuko zaizkie fase honetan. Larunbatean honako seikote hau ariko da kantuan:

 Sustrai Colina
 Odei Barroso
 Miren Artetxe
 Xumai Murua
 Aitor Servier
 Egoitz Zelaia

 Egin beharreko lana

 Bertsolariek hamaikana bertso puntuagarri bota beharko dituzte:

 -8ko handian ofiziotan binaka, hiruna bertso
 -8ko txikian ofiziotan binaka, hiruna bertso
 -Bakarka, gaia emanda, bina bertso
 -Kartzela: 10eko txikian ofiziotan binaka, hiruna bertso

 Sarrerak bertan salgai

 Saiorako sarrerak Baigorriko Plaza Xokoko sarrerako leihatiletan eskuratu ahal izango dira larunbatean bertan. Horrez gain, finalerako sarrerak salgai daude jada www.bertsosarrerak.eu atarian eta Xiberoa, Lapurdi eta Baxenabarreko hainbat puntutan.

• 
•