Hitzetik Hortzera 2016-10-28

Jon Mayaren pausoan joango da igandeko Hitzetik Hortzera

 Dantza eta bertsoa uztartuko ditu aste honetako Hitzetik Hortzerak. Jon Maya dantzari ezaguna izango da gonbidatua, eta bere pausuan joango da programa Errenteriako bertso-saiora. Herriaren inguruan ariko da, eta baita bertsoaren eta dantzaren arteko antzekotasunez ere.

 Bertsoa eta dantza uztartuta

 Lotura horren lekuko da aste honeko bertsoaldi historikoa ere. Bertsoa, dantza eta trikitiaren uztarketa moduan sortu zen "Upeletan Erronka" emanaldi berezia. 2006an Azkoitian egin zuten saio bat, eta dantza-doinu bizian kantuan aritu ziren Anjel Mari Peñagarikano eta Andoni Egaña, eta beren erritmora aritu ziren dantzarien artean zen Jon Maya bera ere.

 Errenteria eta Durangoko bertsoak

 Dena den, aste honetan ere plazako jardunak beteko du programako tarterik zabalena. Errenteria eta Durangoko jaialdietako bertsoaldirik onenak eskainiko ditu Hitzetik Hortzerak eta Jon Maia, Sustrai Colina, Unai Iturriaga, Alaia Martin, Aitor Mendiluze, Beñat Gaztelumendi, Jone Uria, Igor Elortza, Andoni Egaña eta Julio Soto entzungo dira kantuan.

 Igandean ikusgai

 Hori dena eta askoz gehiago igande honetan izango da ikusgai ETB1en, arratsaldeko 15:00etatik aurrera. Eta laster interneten EITB Nahieran-en.

• 
•