Bertsoaroa Iruñean 2016-10-27

Egañaren hitzaldia gaur Iruñean nazioarteko kantu inprobisatuaz

'Inprobisazio kantatua munduan. Zortziko zabala' izenburupean hitzaldia emango du gaur Andoni Egañak Iruñean, Bertsoaroaren baitan. 19:30etan, Kondestablearen Jauregiko Civivox Hitzaldi aretoan.
   Azkenaldi honetan, kantu inprobisatzaileen arteko harremanak ugaldu dira. Bertsolaritza ikasten ari da beste kantu inprobisatuetatik eta, era berean, bertsoek eta euskarak badiote zer irakatsi munduari. Bi norabidetako bidaia hori ederki aski ezagutzen du Andoni Egañak, munduko hainbat herrialdetan ibili baita bertsotan eta kanpoko inprobisatzaileei gurean ere harrera egin baitie. Elkar trukaketa aberasgarri horren berririk emanen du, anekdota eta bizipen ugariz hornituta.

• 
•