Xiberoa, Lapurdi eta Baxenabarreko Bertsulari Xapelketa 2016-10-27

Larunbatean bukatuko dira finalaurrekoak Larresoron

 Larunbat honetan jakingo da ze seikote sailkatuko den Xiberoa, Lapurdi eta Baxenabarreko Bertsulari Xapelketako finalera. Larresoron jokatuko da azkeneko finalaurrekoa. Honako bertsolari hauek ariko dira kantuan:

 Sustrai Colina
 Odei Barroso
 Xumai Murua
 Eneritz Zabaleta
 Aitor Servier
 Ramuntxo Christy

 Egin beharreko lana

 Bertsolariek hamahiruna bertso puntuagarri bota beharko dituzte. Honako hauek dira egin beharreko ariketak:

 -Zortziko handian ofiziotan binaka, hiruna bertso
 -Zortziko txikian ofiziotan binaka, hiruna bertso
 -Hamarreko txikian ofiziotan binaka, hiruna bertso
 -Kartzelan banaka: bi punturi erantzun eta gaia emanda bi bertso

 Sailkapena
 
 Momentuz, Larresoroko saioaren faltan, honela dago sailkapena:

 1.- Amets Arzallusek       784,4 puntu
 2.- Miren Artetxek         735 puntu
 3.- Maddalen Arzallusek    727 puntu
 4.- Egoitz Zelaiak         694,5 puntu
 5.- Maddi Sarasuak         687,5 puntu
 6.- Nahia Sascok           674,5 puntu

(Saio baten faltan)

 7.- Sustrai Colinak        388,5 puntu
 8.- Odei Barrosok          361 puntu
 9.- Xumai Muruak           333 puntu
 10.- Eneritz Zabaletak     323,5 puntu
 11. Aitor Servierrek       306 puntu
 12.- Ramuntxo Christyk     294,5 puntu

 Sarrerak

 Sarrerak Larresoroko Herriko Gelan bertan eskuratu ahal izango dira, leihatiletan, larunbatean bertan. Horrez gain, finalerako sarrerak ere salgai daude jada www.bertsosarrerak.eus atarian edo Xiberoa, Lapurdi eta Baxenabarreko hainbat puntutan.  

• 
•