Xiberoa, Lapurdi eta Baxenabarreko Bertsulari Xapelketa 2016-11-11

Finala jarraitzeko aukera izango da interneten eta telebistan

 Dena prest dago Xiberoa, Lapurdi eta Baxenabarreko Bertsulari Xapelketako finalerako. Donibane Lohizunen abiatu zena Baionako Lauga Gelan bukatuko da bihar, arratsaldeko 17:00etatik aurrera. Hamabost bertsolari abiatu ziren eta honako sei hauek iritsi dira finalera:

 Sustrai Colina
 Amets Arzallus
 Odei Barroso
 Miren Artetxe
 Maddalen Arzallus
 Xumai Murua

 Zuzenean telebistan eta Bertsoa.eus-en

 Baionara joaterik ez dutenek finala zuzenean ikusteko aukera izango dute. Aitzol Barandiaranek aurkeztutako eta Xan Alkhaten iritziekin aberastutako zuzenekoa ikusgai izango da Bertsoa.eus-en eta ETB4an.

 Buruz burukoa ETB1en

 Iluntzeko 21:00etatik aurrera, berriz, ETB1ek buruz burukoa eskainiko du.

 Laburpenak telebistan eta sarean

 Igandean, berriz, finalaren biharamunean, saioaren ordubeteko laburpena ikusgai izango da ETB1en, bazkalostean, 15:00etatik aurrera.

 Bertsoa.eus-en ere finalaren hautaketa zabala izango da ikusgai astelehen goizerako. Finalisten iritziak ere bilduko ditugu.

• 
•