Elizondoko Kortarixar jatetxean izango da 2016-11-17

Bihar jokatuko da VII. Mariano Izeta sariketako finala

Pasa den ostiralean Barañainen jokatu zen VI.Mariano Izeta sariketako kanporaketa. Han aritu ziren kantuan Patxi Castillo (Bera), Amaia Elizagoien (Oronoz), Sarai Robles (Barañain), Iker Gorosterrazu (Ituren), Alazne Untxalo (Ituren), Ekaitz Astiz (Iraizotz), Saats Karasatorre (Etxarri-Aranatz), Aitor Irastortza (Azpirotz), Joanes Illarregi (Leitza) eta Ander Baiano (Barañain).

Egin beharreko lanak eginda, Alazne Untxalok irabazi zuen saioa eta horrela geratu ziren hurrengo hirurak: bigarren Iker Gorosterrazu, hirugarren Joanes Illarregi eta laugarren Patxi Castillo. Lau bertsolari horiek sailkatu ziren biharko finalera.

Finala biharko jokatuko da Elizondon
Bertso-afari formatua izango du finalak eta Elizondoko Kortarixar jatetxean jokatuko da iluntzeko 21:00etan. Txartelak 15 euroren truke daude salgai Elizondoko Fantxike arropa eta opari dendan eta Nafarroako Bertsozale Elkartean ere erreserbatu daitezke (948143747 telefonoan edo nafarroa@bertsozale.eus posta elektronikoan).

• 
•