UNIbertsoan 2016-11-29

Saio bereziak izango dira ostegunean EHUko Donostiako egoitzan

 Urtebete da jada UNIbertsoan egitasmoaren lehenengo saioa egin zela. Bertsolaritzaren ikerketak unibertsitateko ikasleengana hurbildu asmoz abiatu zuten proiektua EHUko Gipuzkoako Errektoreordetzak eta Mintzola Ahozko Lantegiak.

 Ostegunean saio bikoitza

 Ostegun honetan saio bikoitza izango da EHUk Donostian duen Ignacio Maria Berriola Zentroan. Eguerdiko 12:00etan hitzaldia eskainiko du Beñat Krolemek bertsolaritza eta irudiaren arteko harremanaren inguruan. Beñat Krolemek Mintzolaren eta Mikel Laboa Katedraren ikerketa proiektu saria jaso zuen iaz.

 Hitzaldia bukatu ondoren, "Bertso Marraztuak" emanaldi berezia izango da ikusgai. Amets Arzallus eta Alaia Martin jardungo dira bertsotan, Unai Gaztelumendik momentuan bertan sortuko dituen marrazkiak gaitzat hartuta.

• 
•