Xenpelar Dokumentazio Zentroa 2016-12-09

Lazkao Txiki Amurizaren kontzientzia

Nikolas Segurolaren liburua argitaratu berri den honetan, berak gaia jarrita eragin zuen bertsoaldi historiko-antologiko bat ekarri dugu gogora. Elgoibarren izan zen, Goiuria auzoan zehazki, kurtso amaierarako Hitzetik Hortzerak antolatutako afarian. San Antonio egunez  bertan bildu ziren hogeita lau bertsolari kanturako eta laurogei entzule mahaiaren bueltan. 

Gaia Nikolas Segurolari jartzea egokitu zitzaion, eta seriotik jotzea erabaki zuen. Amuriza norbait hil nahi duen pertsona da eta Lazkao-Txiki bere kontzientzia. Bertsoaldi gogoangarria osatu zuten.