Lehenengo Lanku beka da 2016-12-21

Lehenengo Lanku Beka Labaka eta Egizabalen 'Erradikalak gara' lanari

Ane Labaka eta Beatriz Egizabalek eskuratu dute “Erradikalak gara” lanarekin I. Lanku Bekaren Saria. Iñaki Murua, Bertsozale Elkarteko lehendakariaren eskutik jaso zuten saria Martin Ugalde Kultur Parkean.

Lehen aldiz jarri du martxan Lanku Kultur Zerbitzuak enpresan, bertso edukien sormenerako beka. Bekaren helburuak bi dira: batetik bertsolaritza muinean duten emanaldi berriak sortzea eta laguntzea, eta bestetik, berriz, sortzaileen eta Lankuren arteko elkarlana sustatzea.

Guztira lau lan aurkeztu dira lehen edizio honetara eta lan guztiak oso ongi baloratuak izan dira epaimahaiaren aldetik. Saridunek  800¤ko ordainsaria jaso dute eta “Erradikalak gara” lanaren gidoi osoa aurkezteko 8 hilabeteko epea izango dute.

• 
•