Hitzetik Hortzera 2016-12-30

Urteari errepasoa Maite Berriozabalen laguntzaz

 Oparoa izan da bertsogintzarentzat 2016a. Hitzetik Hortzerako kamerak plazaz plaza ibili dira urte osoan zehar. Igande honetan, urteberri egunez, joan den urteari begirada bat botako dio programak Maite Berriozabal gai-jartzailea gidari hartuta. Urteko bertsoaldi onenak emateaz gain, gai-jartzailetzaren sekretuen berri ere emango du Maite Berriozabalek.

 Urteko gaiak

 Zeintzuk izan dira 2016an plazan ibili diren gai nagusiak? Bertsoaldien bidez errepaso bat emango dio Hitzetik Hortzerak urteko aktualitateari. Denera hamahiru bertsoaldi eskainiko ditu, eta Euskal Herriko zein atzerriko hogei inprobisatzaileren ahotsak entzuteko aukera izango da.

 Igandean ikusgai
    
 Hori dena eta askoz gehiago igande honetan izango da ikusgai ETB1en, arratsaldeko 15:00etatik aurrera. Eta laster interneten ere bai, EITB Nahieran-en.

• 
•