Donostiako Antigua auzoan 2017-01-18

Mikel Laboa Sariketa jokatuko da larunbatean

 Sei urte dira jada Donostiako Antigua auzoan Mikel Laboa sariketa jokatzen hasi zirenetik. Bertsolari gazteei zuzendutako sariketa da. Larunbatean izango da aurtengoa, arratsaldeko 18:30ean, Antiguako Doka Kafe Antzokian. Honako seikote hau ariko da kantuan:

 Sarai Robles
 Andoni Mujika
 Kerman Diaz
 Paule Loizaga
 Txaber Altube
 Nahia Sasco

 Egin beharreko lana

 Bertsolariek honako ariketa hauek egin beharko dituzte:

 -Zortziko handian, binaka, hiruna bertso
 -Zortziko txikian, binaka, hiruna bertso
 -Bina punturi erantzun
 -Hitza emanda bertso bat

 Behin ariketa hauek eginda, puntuazio onena lortzen duten bi bertsolariek buruz burukoa jokatuko dute. Honako ariketa hauek izango dituzte buruz burukoan:

 -Sei puntuko motzean, binaka, hiruna bertso
 -Puntutan binaka sei bertso osatu arte
 -Bakarka hiru bertso, nahi duten neurri eta doinuan

• 
•