Arabako Bertsolari Txapelketa 2017-01-24

Oier Suarez: "Bertsogintza osatzen duen sare horri pisua eman nahi diogu"

 Otsailaren 5ean abiatuko da 2017ko Arabako Bertsolari Txapelketa. Joan zen larunbatean egin zuten aurkezpena Laudioko "Tunel" tabernan. Bertan abiatu zen 1981ean Aiaraldeko Bertso-Eskola.

 Sarea oinarri

 Arabako Bertsozale Elkarteko Sustapen arduraduna da Oier Suarez eta berak eman zituen aurtengo txapelketaren xehetasunak. Azaldu zuenez, bertsogintza osatzen duen sare horri "pisua" eman nahi dio aurtengo txapelketak; saioetara doan bakoitza sare horren parte sentiarazi. Eta sare horren oinarria bertso-eskolak direla azaldu zuen.

 Exijentzia handiagoa

 2015ean hasitako bideari segiko dio aurtengo txapelketak: bertsolariek bertso gehiago kantatu beharko dituzte eta bertsolari gutxiago ariko dira kantuan. Txapelketa exijenteagoa izango dela esan zuen Oier Suarezek, eta partehartzaileen aldetik jasotzen ari diren konpromisoa azpimarratu zuen.

• 
•