Arabako Bertsolari txapelketa 2017-02-16

Arabako hirugarren finalaurrekoa igandean Dulantzin

Arabako Txapelketako lehenengo itzuliaren azken finalaurrekoa jokatuko da igande honetan Dulantzin, 17:30etan, Kultur Etxean. Honako sei bertsolari hauek arituko dira kantuan:

• Ander Solozabal Kortabarria
• Asier Otamendi Alkorta
• Izar Mendiguren Cosgaya
• Jon Ruiz de Pinedo Lekuona
• Oihane Perea Perez de Mendiola
• Paula Amilburu Izargarai

Hirugarren finalaurrekoa jokatuta, bigarren itzuliko taldeak osatuta geldituko dira. Gai-emailea Lierni Altuna Ugarte aramaioarra izango da.

Bi bertso eskola Lautadan
Lautadan 2 bertso-eskola daude: Agurainen eta Zalduondon. Adin guztietako 20 lagun 3 taldetan banatuta. Plazatan kantatzen duten 6 bertsolari daude eta urtero 20 bertso-saio inguru antolatzen dira. Agurain, Araia, eta Dulantziko 4 ikastetxetan lantzen da bertsolaritza, guztira, 10-12 urteko 266 umek, hamabostean behin eta ikastorduetan, jasotzen dute bertsolaritza Arabako Bertsozale Elkarteko irakasle baten eskutik. Bigarren Hezkuntzako gazteekin tailerrak antolatzen dira, Bertsoa Bizi Gazte egitasmoaren baitan. Urtero bertso-barnetegi bat burutzen da Lautada mailan.

• 
•