UZEI-ren eskutik 2017-02-28

'Atzekoz Aurrera' hiztegi alderantzikatua eguneratua eta sarean

Atzekoz Aurrera, euskarazko lehen hiztegi alderantzikatua, eguneratu eta sarean jarri du UZEIk. Hitz bukaeren arabara egiten ditu bilaketak. Izen arruntak, adjektiboak, adberbioak, determinatzaileak, izenordainak, aditzak, lotura-elementuak, esaerak eta onomatopeiak: kategoria horietako guztietako sarrerak aurkituko ditu erabiltzaileak. Aldiz, hiztegitik kanpo utzi dira izen propioak (pertsona-, leku- zein erakunde-izenak), forma deklinatuak, adizki jokatuak eta laburtzapenak. Denera, 53.000 sarreratik gora, eguneroko euskaratik jasoak.

Lehen argitaraldia paperean eta formatu digitalean plazaratu zuen UZEIk jakinik paperezko bertsioa ez zela aski, atzekoz aurrerako hiztegietan bilaketak orriz orri egitea ez baita lan erosoa. Paperezko bertsio hura agortuta egon da azken urteotan.

• 
•