Arabako Bertsolari Txapelketa 2017-03-20

Arabako finalistak: Igoa, Agirre, Viñaspre, Perea, Otamendi eta Lopez

Arabako Bertsolari Txapelkeko azken finalaurrekoa jokatuta, erabakita gelditu da zein sei bertsolarik kantatuko dute Printzipaleko finalean. Manex Agirre (egungo txapelduna), Iñaki Viñaspre, Xabi Igoa, Oihane Perea, Asier Otamendi eta Serapio Lopez. Hain zuzen ere Lopez izango da aurtengo finalista berria, bere lehen finala izango baitu.

Aramaion jokatu zen azken finalaurrekoa kultur etxean eta honela gelditu zen sailkapena:

• Asier Otamendi              266,5
  
• Oihane Perea                258
  
• Serapio Lopez               254,5
• Andere Arriolabengoa   254
  
• Zigor Enbeita                 245,5
  
• Izar Mendiguren            233

Uxue Diaz de Cerio aritu zen gai jartzaile lanetan. Aramaioko finalaurrekoak agur bat ere ekarri zuen. Zigor Enbeita bertsolariak bukatutzat eman du txapelketetako parte hartzea, hala iragarri zion Bertsoari saio ondorengo elkarrizketan. Astean zehar emango ditugu Enbeita eta azken finalaurreko beste bost bertsolarien hitzak.

Finala apirilaren 1ean jokatuko da Gasteizko Printzipal Antzokian eta sarrerak www.bertsosarrerak.eu gunean daude eskuragarri.

• 
•