Gipuzkoako Herriartekoa 2017-03-24

Asteburu honetan abiatuko da bigarren itzulia

"26 +" (Tolosaldea), "7 astoren gainean" (Alegia), "Am...ona" (Amasa-Villabona), Ereñotzu, "Erniarraitz 1" (Azpeitia), "Karidadeko Benta" (Zizurkil-Asteasu), "Osinalde" (Gabiria), "Sarri nahi genuen eta Habana etorri zaigu" (Orio), "Si mimimi sol" (Urretxu-Zumarraga), "Txingudi 2" (Irun), "Txinparta 1" (Oñati) eta "Xenpelar" (Orereta) dira aurrera egin duten taldeak.

Bigarren fasera sartzera doa Gipuzkoako Herriartekoa. 38 talderekin abiatu zen ekimenak pasa du lehenengo galbahea, eta asteburu honetan abiatuko da bigarren itzulia, honako 12 talde hauekin:

-26 + (Tolosaldea)
-7 astoren gainean (Alegia)
-Am…ona (Amasa-Villabona)
-Ereñotzu (Ereñotzu)
-Erniarraitz 1 (Azpeitia)
-Karidadeko benta (Zizurkil-Asteasu)
-Osinalde (Gabiria)
-Sarri nahi genuen eta Habana etorri zaigu (Orio)
-Si mimimi sol (Urretxu-Zumarraga)
-Txingudi 2 (Irun)
-Txinparta 1 (Oñati)
-Xenpelar (Orereta)

Lau multzotan

Taldeak lau multzotan sailkatuta egongo dira, eta multzo bakoitzetik talde batek egingo du aurrera. Hauek dira multzoak:

1 MULTZOA:
-Karidadeko benta
-Ereñotzu
-Txinparta 1

2 MULTZOA:
-Erniarraitz 1
-Xenpelar
-7 astoren gainean

3 MULTZOA:
-Si mimimi sol
-Osinalde
-Sarri nahi genuen eta Habana etorri zaigu

4 MULTZOA:
-Am…ona
-Txingudi 2
-26+

Lehenengo saioak asteburuan

Asteburu honetan bertan jokatuko dira lehendabiziko saioak. Gaur bertan, iluntzeko 21:00etan, Zizurkil Goiko Plaza Etxeberrin "Karidadeko Benta" eta Ereñotzuko taldeak ariko dira bertso-afari formatuan.

Orioko Salatxo tabernan, berriz, gaueko 22:30ean hasiko da Orio eta Urretxu-Zumarragaren arteko saioa.

Bihar Alegiako Gaztetxean "7 astoren gainean" eta "Erniarraitz 1" taldeak ariko dira gaueko 22:30ean.

Lehenengo itzuliko bertsoaldiak ikusgai

Lehenengo itzulian 26 talde geratu ziren kanpora. Horien bertsoaldirik onenak ikusgai daude Sareko Plazan.