Arabako Bertsolari Txapelketa 2017-03-31

Printzipal Antzokiko finala zuzenean jarraitu ahal izango da interneten

 Larunbat honetan jokatuko da Arabako Bertsolari Txapelketako finala, arratsaldeko 17:30ean hasita, Gasteizko Printzipal Antzokian. Honako seikote hau sailkatu da finalera:

 Asier Otamendi
 Oihane Perea
 Manex Agirre
 Iñaki Viñaspre
 Xabi Igoa
 Serapio Lopez

 Internetez zuzenean

 Finala zuzenean eskainiko du Bertsoa.eus-ek internetez, arratsaldeko 17:30ean hasita. Eta bertsoaldi onenak astelehenetik aurrera ikusi ahal izango dira Sareko Plazan.

 Biharamunean Hitzetik Hortzeran

 Igande bazkalostean, berriz, eguerdiko 15:00etatik aurrera, Hitzetik Hortzerak finaleko bertsoaldirik onenak eskainiko ditu ETB1en, eta txapeldunari saioa bukatu berritan egindako elkarrizketa ere ikusi ahal izango da.

• 
•