Nafarroako Bertsolari Txapelketa 2017-04-08

Julio Soto Nafarroako txapeldun

  Julio Soto  atera da txapeldun 2017ko Nafarroako Bertsolari Txapelketan. Gaur jokatu da finala Iruñeko Anaitasunan, eta Julio Soto, Xabi Maia, Eneko Fernandez, Eneko Lazkoz, Aimar Karrika, Ander Fuentes "Itturri", Xabier Terreros eta Julen Zelaieta aritu dira kantuan. Honela geratu da sailkapena:
 
1.-Julio Soto 925,5 pt
2.-Eneko Lazkoz 906,5 pt
3-Ander Fuentes "Itturri" 563,5 pt
4-Aimar Karrika 499 pt
5-Xabi Maia 498 pt
6-Xabi Terreros 494,5 pt
7.-Eneko Fernandez 493 pt
8.-Julen Zelaieta 474,5 pt

 Azkenean, Julio Soto eta Eneko Lazkoz sailkatu dira buruz burukora.

 Txapela Luzia Goñiren eskutik

 Txapela janzteko unea ere hunkigarria izan da, Luzia Goñiren eskutik jaso baitu txapela.

Bertsoaldi onenak laster

 Gaurko finaleko bertsoaldi onenak bihar ikusgai izango dira Hitzetik Hortzeran, arratsaldeko 15:00etatik aurrera, ETB1en.

 Bertsoa.eus-en, berriz, saioko hautaketa zabala eskainiko dugu astelehenetik aurrera.

 Txapeldunari elkarrizketa

 Julio Sotori egindako elkarrizketa mamitsua, berriz, asteartean jarriko dugu sarean.

• 
•