Bergaran eta Alegian jokatuko dira 2017-05-03

Gipuzkoako Herriartekoa finalaurrera iritsi da

Gipuzkoako Herriartekoa azken txanpan sartzen ari da. Lehen eta bigarren faseak amaituta, finalaurrekoetara iritsi da. Bi saio izango dira eta lau talde arituko dira: Azpeitiako Erniarraitz 1 taldea, Asteasu-Zizurkilgo Karidadeko benta, Amasa-Villabonako `Am...ona' eta Gabiriako Osinalde taldea.

Datozen bi larunbatetan jokatuko dira finalaurrekook:

- Maiatzak 6, larunbata, 17:30ean Alegiko pilotalekuan: Karidadeko benta (Zizurkil-Asteasu) eta
Erniarraitz 1 (Azpeitia). Asteasu-Zizurkilgo taldetik: Haritz Mujika, Unai Mendizabal eta Joseba Otaegi arituko dira bertsotan. Erniarraitz taldean berriz, lau bertsolari daude: Jokin Uranga, Beñat Lizaso, Haritz Etxeberria eta Nerea Ostolaza. Hiruk kantatuko dute.

-Maiatzak 13, larunbata, 17:30ean Bergarako pilotalekuan: Osinalde (Gabiria) eta Am...ona (Amasa-Villabona). Osinalde taldetik Endika Igartzabal, Aratz Igartzabal eta Gorka Maiz arituko dira. Amasa-Villabonako taldetik, Beñat Iguaran, Amaia Agirre eta Oihana Iguaran.

Irabazleak finalera
Irabazleek finala izango dute sari. Finala, maiatzaren 27an izango da Azpeitiko Izarraitz pilotalekuan. Arratsaldeko 17:30ean izango da saioa eta ondoren San Agustin kulturgunean afaria izango da.

Finalerako eta afaritarako sarrerak salgai
Afarirako sarrerak ere salgai daude finalekoekin batera www.bertsosarrerak.eus atarian.

• 
•