Bertsolari Txapelketa Nagusiko bertsoaldi historikoak 2017-06-02

Sebastian Lizaso itsasoari begira

 Irailean abiatuko da Bertsolari Txapelketa Nagusia. Txapelketa girotze aldera, orain arteko finaletan entzundako bertsoaldirik onenak berreskuratzen ari da Bertsoa.eus.

 1989ko kartzelakoa itsasoari begira

 Bertsolari eta bertsozaleek elkarlanean antolatutako bigarren txapelketa izan zen 1989koa. Herrialdez herrialde egin ziren sailkapen faseak, eta 40 bertsolarik hasi zuten txapelketa hura.

 Finalera honako zortzikote hau sailkatu zen: Jon Lopategi, Sebastian Lizaso, Xabier Euzkitze, Andoni Egaña, Jon Enbeita, Mikel Mendizabal, Imanol Lazkano eta Iñaki Murua. Jon Lopategi atera zen txapeldun. Belodromoan jokatutako finalean honako hau izan zen kartzelako gaia: "bizitza guztia itsasoan eman duzu. Gaur egun ohetik mugitu ezinez zaude. Leihotik sartzen zaizu itsasoaren olatu hotsa". Gerora ere askoren gogoan geratu ziren bertsoaldiak entzun ahal izan ziren ariketa honetan. Dena den, saioan bigarren geratu zen Sebastian Lizasoren lanak jaso zituen punturik gehien.

• 
•