"Mendialdeko bertso zortea" 2017-06-14

Mendialdeko bertso musikatuen bilduma

 Bertsoa eta herrigintza estuki lotuta egon izan dira. Arabako Mendialdean ere, urteetan zehar bertsoz hornitu izan dira herrigintzatik sortutako ekimenak. Era horretan osatutako lanak disko batean bildu dituzte orain, Mendialdeko bertso-eskolak gidatuta.

 "Mendialdeko bertso zortea"

 "Mendialdeko bertso zortea" izena jarri diote diskoari. Zortearen bidez etxerako egurra bildu, basoak garbitu eta berritu eta suaren inguruan bildu eta berotzen da. Hortik dator diskoaren izena ere: Mendialdeko ekimenetarako sortutako bertsoak bildu dituzte.

 Herrigintza protagonista

 Auzolanean osatutako lana da "Mendialdeko bertso zortea", eskualdeko euskaltzale eta musikariek hartu baitute grabaketan parte. Mendialdeko bertso-eskola; Maeztuko Amezti euskara taldea; Kanpezuko XVII. mendea kultur elkartea; Lagran, Maeztu eta Kanpezuko AEKko ikasleak; Lamingorriak emakume taldea; Kanpezuko institutuko DBHko ikasleak; Korresko herritarrak; Kanpezuko Gazte Asanblada; The Ashes musika taldea eta Mendialdeko gaitero, txistulari eta musikariek hartu dute parte ekimenean. Proiektuak Arabako Foru Aldundiaren eta Mendialdeko Kuadrillaren laguntza ekonomikoa jaso du. 

• 
•