Atal berezia izango du 2017-09-12

Txapelketa zuzenean eta jarraipen zabala Bertsoan

Bertsoak jarraipen zabala egingo dio Txapelketa Nagusiari, horretarako prestatutako atal berezian. Batetik, saio guztiak zuzenean emango ditu webgunean bertan, HD kalitatean. Saioen biharramun eguerdirako, bertsoaldi hautaketa zabala jarriko du sarean. Bertsolarien saio aurreko asmoak eta ondoreneko gogoetak ere bilduko ditu, besteak beste.

Bestalde, Hitzetik Hortzera telebista saioak ere txapelketari gertuko jarraipena egingo dio, irailaren 24tik aurrera, igandetan saioetako laburpenak eskainiaz. Horrez gain, Bertsozale Elkartearen lankidetzarekin, ETBk txapelketari buruzko programa berezia eskainiko du lehen katean, Aulki Jokoa.