Txapelketa Nagusiko saioarekin batean 2017-09-18

Bertso Eskolen Eguna Seguran irailaren 30an

Euskal Herriko Helduen bertso eskolek urteroko topaketa izaten dute udazkenean, eguna partekatu eta bertsotan egiteko. Portugaleten izan zen iaz eta Seguran izango da aurten, irailaren 30an, egun horretan Txapelketa Nagusiko saioa ere Seguran dela. Euskal Herriko Helduen Bertso Eskolen Batzordeak antolatzen du ekimena eta aurten ere egun osoko egitaraua prestatu du. Eguerdian bilduko dira eta taberna giroan bertsotan egin ondoren bazkaria eta Bertsotruk ekimenaren 3. edizoaren aurkezpena etorriko dira. Bertsotruk ekimenak 30 bertso-eskola inguru mugitzen ditu udazkenetik udaberrirako tartean. Gero Txapelketako saiora joango dira denak eta ondoren jarraituko du festak. Afaria Julene Otaegi eta Jone Uria trikitilariek girotuta ta 23:00tan kontzertua eMePebo5t taldearen eskutik.

Bazkarirako txartelak, eskuragai
Irailaren 24ra arte lortu ahal izango dira Bertso Eskolen Egunaren baitan egingo den bazkarirako txartelak. 15 euroren truke erosi ahal izango dira www.bertsosarrerak.eus atarian bertan.