Bertsolari Txapelketa Nagusia 2017 2017-09-30

Jon Martin irabazle Seguran

Jon Martin nagusitu da Seguran jokatu den Bertsolari Txapelketa Nagusiko bigarren final laurdenean. Beraz, oiartzuarra zuzenean sailkatu da Bastidako finalaurrekorako. 700 lagunetik gora bildu dira Segurako frontoian. Jon Martin, Nerea Elustondo, Beñat Iguaran, Ander Fuentes 'Iturri', Unai Gaztelumendi eta Felix Zubia aritu dira bertsotan, Oier Suarezek aurkeztuta. Bertsoa.eus-ek zuzenean eman du ekitaldi osoa.

Honela geratu da sailkapena:

1. Jon Martin                      673,5

2. Nerea Elustondo             665,5

3. Beñat Iguaran                655,5

4. Ander Fuentes "Itturri"   629,5

5. Unai Gaztelumendi         620

6. Felix Zubia                     594

Bihar Leitzan jokatuko da hirugarren final laurdena. Han izango dira kantuan Agin Laburu, Iñaki Apalategi, Julio Soto, Oihana Bartra, Oihana Iguaran eta Unai Agirre.