Lapurdi 1609 eta Bertsularien Lagunak elkartearen esktutik 2017-10-03

Larraldea bertsopaper sariketa abian

Bertsopaper lehiaketa berri bat sortu dute Senperen, Larraldea sariketa, Lapurdi 1609 eta Bertsularien Lagunak elkarteen esktutik. Gazte eta helduen maila izango ditu eta bakoitzak nahi beste lan aurkez ditzake. Gaia, norbere esku bi mailetan.

Gazteen mailan idatzi beharreko bertsoak gutxienez 4 eta gehienez 8 izango dira.

Helduen mailan idatzi beharreko bertsoak gutxienez 6 eta gehienez 10 izango dira.

Lanak igortzeko epea: 2017ko azaroaren 1a

Lanak helbide honetara bidaliko dira: Lapurdi 1609 Elkartea

Larraldea Bertsopaper Lehiaketa

e-postaz: Larraldea, Amotze auzoa

lapurdi1609@laposte.net 64310 SENPERE

BALDINTZAK

- Bertso guziek berriak izan behar dute, hots, beste inon saritu edo argitaratu gabeak.

- Ezinbestekoa da, bertso sorta bakoitzaren doinua izenburuaren ondoan zehaztea.

- Lanak posta arruntez bidaltzerakoan: bertsopaperean ez du egilearen izenak agertu behar. Bertso sorta bakoitza izengoitiz sinatuko da eta egilearen izen-abizenak, jaioteguna, helbidea eta telefonoa/e-maila beste gutun-azal batean sartuko dira, kanpoaldean izengoitia ageri dela. Bi gutun-azaletan bertsogilea zein mailatara aurkezten den zehaztu behar da.

- Posta elektronikoz bidali nahi badira, .odt edo .pdf formatuko bi dokumentu bidali behar dira. Batean bertso sorta bera izengoitiz sinatua eta bestean goitizena eta norbere xehetasunak.