Barañainen, Lanaben 2017-10-11

Bertsokabi sariketako azken kanporaketa ostiralean

Bertsokabi sariketako hirugarren kanporaketa jokatuko da ostiralean Barañainen, Lanaben (Lagunak alboan), 20:30etan. Sei bertsolari arituko dira binaka: Amaia Elizagoien eta Xabat Illarregi; Saioa Alkaiza eta Aitor Irastortza; Saats Karasatorre eta Unai Artieda.

Aurreko bi asteetan beste bi kanporaketa jokatu dira. Lehenbizikoan, Alazne Untxalo eta Irati Majuelo sailkatu ziren finalerako. Bigarrenean, Joanes Illarregi eta Ekain Alegre. Baraiñaingo bikote irabazlea ere finalera sailkatuko da. Finala urriaren 26an da, 19:30ean, Iruñeko Arrano Elkartean.