Urtero egiteko helburuz 2017-10-19

'Udazkeneko zapi janztea' jarri dute martxan Zaldibian

'Udazkeneko zapi janztea' jarri dute martxan Zaldibian
Lau bertsolari, bertso-afari formatoan, librean zein gaiekin. Publikoaren gustukoenak zapia jantziko du eta hurrengo urtean berriz saioan parte hartzeko aukera irabazi. Lehen edizio honetan: Agin Laburu, Maialen Lujanbio, Sustrai Colina eta Uxue Alberdi arituko dira.

Udazkeneko I. Zapi Janztea bertso ekimena antolatu dute Zaldibian, 'Zapiak bat' elkartearen eskutik. Ostiral honetan izango da, Zubiburu elkartean. Lau bertsolari, bertso-afari formatoan, librean zein gaiekin. Publikoaren gustukoenak zapia jantziko du eta hurrengo urtean berriz saioan parte hartzeko aukera irabazi. Lehen edizio honetan: Agin Laburu, Maialen Lujanbio, Sustrai Colina eta Uxue Alberdi arituko dira.

Antolatzaileen esanetan, "lehia kutsurik ez diogu eman nahi saio berezi honi, baina bai esanahi berezia: saioa irabazten duen bertsolariari zapia jantziko zaio (eta ez txapela). Emakumeak txapelketetan gizonezkoen txapela janztera ohitu dira. Ez, ordea, gizonezkoak emakumeen jantzietara, Inauterietan eta barregarri azaltzeko ez bada. Bertso-afari honetan emakumearen ikurra den zapia goratu nahi dugu. Ohorea izango da bertsolariarentzat zapi hori janztea, izan gizon zein emakume. Eta historiako I. Zapi Janztearen lekuko izango gara".

 

Albiste gehiago

Jone Larrinaga Dañobeitia - Bertsolari Bertsozale Podkasta 2024-03-28

«Bertsolaritzaren garapena aberatsagoa da espektatibarik gabe»

Mikel Artola Izagirre - Gipuzkoako Bertsozale Elkarteko koordinatzailea 2024-03-26

«Gipuzkoan 10-50 urte bitarteko bertsolari ia denek kantatuko dute udaberrian»

Juanjo Uria Zubiarrain - Bertsolari bertsozale podkasta 2024-03-15

Juanjo Uria: bertsoa eragiletzatik eta pasiotik bizi duen hernaniarra

Araitz Katarain, Izaro Bilbao eta Janire Arrizabalaga - elkarrizketa 2024-03-13

«Bertso munduratze prozesu horretan sortzen diren gatazkak gorpuztuko ditugu, mimoz, arduraz eta umorez»

Larunbat gauean 21:00etan ETB1en 2024-03-07

Hitzetik Hortzera Xabier Rico Arabako txapel emailearekin