21:00etan hasita, gaztetxean 2017-10-26

Hernandorena sariketa ostiralean, Garazin

Hernandorena bertsu sariketako lehen kanporaketa jokatuko da ostiral honetan Donibane Garazin. Hiru kanporaketa eta finala izango ditu sariketak, eta Euskal Herri osoko sei bertsolari gazte arituko dira kantuan. Lehen saio honetan honako sei bertsolari hauek arituko dira kantuan: Peru Abarrategi, Aratz Igartzabal, Maider Arregi, Koldo Gezuraga, Aitor Bizkarra eta Sarai Robles. Saioa gaztetxean izango da, 21:00etan hasita.

Atharratzen izango da bigarren kanporaketa, azaroaren 3an, Prefosta elkartean, 21:00etan. Bertsolariak: Maialen Akizu, Kerman Diaz, Unai Mendiburu, Asier Rubio, Maddi Sarasua Laskarai eta Nahia Sasco.

Azken kanpareketa, berriz, Itsasun, azaroaren 17an, Goxoki gaztetxean, 21:00. Bertsolariak: Elixabet Etxandi, Asier Galarza, Jon Gurrutxaga Urbieta, Joanes Illarregi, Eli Pagola eta Aitor Servier.

Finala, azaroaren 25ean izango da, Baionan, Zizpa Gaztetxean, 21:00etan.