Astelehenero 22:30etan ETB1en 2017-10-30
Edurne Azkaratek aurkeztuko du eta hainbat bide-lagun izango ditu; batzuk asterokoak eta noizbehinkakoak besteak. Andoni Egaña bertsolariak Bertsolari Txapelketa Nagusiko finalaurrekoetako saioen berri emango du, eta egungo bertsolaritzaren gakoak eskainiko ditu, astero astero. Astelehenero 22:30etan hasita saioa jarraitzeko aukera izango da.
Nola prestatzen da aretoa?
Txapelketa Nagusia nola eraikitzen den erakutsiko digu "Aulki-jokoa" programa berriak. Lehen saioan Edurne Azkaratek, saioko aurkezleak, Jon Agirresarobe, Bertsozale Elkarteko kidea, izango du bide-lagun. Agirresarobek aretoa nola prestatzen den erakutsiko digu goizeko pilotaleku hotzetik arratsaldeko bertso plaza goxora.
Horrez gain, Bertsolari Txapelketa Nagusiko bertsoak, bertsolariek sortu edo moldatutako doinuak, pasatako Txapelketetako bertso gogoangarriak eta bertsolarien prestaketa-lana ekarriko ditu telebista-saioak.
Euskal Herriko Bertsozale Elkarteak ekoiztutako saioa
“Aulki-jokoa” telebista saioa Euskal Herriko Bertsozale Elkarteak ekoiztu du Euskal Telebistarekin lankidetzan eta Lander Garrok egingo ditu zuzendari- eta gidoilari-lanak.
Anonyme Popularren agurreko kontzertuak maiatzean eta ekainean 2024-04-18
Maddi Aiestaran Iparragirre - Osinalde Sariko balorazioa 2024-04-08
Jone Larrinaga Dañobeitia - Bertsolari Bertsozale Podkasta 2024-03-28
Mikel Artola Izagirre - Gipuzkoako Bertsozale Elkarteko koordinatzailea 2024-03-26
Juanjo Uria Zubiarrain - Bertsolari bertsozale podkasta 2024-03-15