Bertsolari Txapelketa Nagusia 2017 2017-11-04

Beñat Gaztelumendi nagusitu da Maule-Lextarren

694 punturekin irabazi du añorgarrak Txapelketako hirugarren finalaurrekoa. Bere atzetik sailkatu dira, Julio Soto, Nerea Ibarzbal,, Etxahun Lekue, Beñat Iguaran eta Nerea Elustondo. Saroi Jauregik egin ditu gai jartzaile lanak 1180 entzuleren aurrean.

Gaur jokatu da Bertsolari Txapelketa Nagusia 2017ko hirugarren finalaurrekoa Maule-Lextarreko Ororena jai-alai pilotalekuan. Beñat Gaztelumendik irabazi du saioa eta zuzenean sailkatu da Txapelketako finalaurrekoen bigarren itzulirako. Añorgarrak Amurrion kantatuko du azaroaren 19an. Gaztelumendirekin batera kantuan izan dira Nerea Ibarzabal, Julio Soto, Etxahun Lekue, Nerea Elustondo eta Beñat Iguaran. Saioa gidatzeko lanak Saroi Jauregik egin ditu. 1180 bertsozalek jarraitu dute zuzenean finalaurrekoa Orona pilotalekuan

Honela sailkatu dira sei bertsolariak:

1- Beñat Gaztelumendi 694

2- Julio Soto 668,5

3- Nerea Ibarzabal 663

4- Etxahun Lekue 656,5

5- Nerea Elustondo 637,5

6- Beñat Iguaran 604

Bertsoaldi onenak sareko plazan

Maule-Lextarren ospatu den saioko hautaketa zabala ikusgai egongo da gaur iluntzetik aurrera Bertsoa.eus sareko plazan. Astelehenean, kantuan jardun duten sei bertsolarien iritzi eta sentsazioak batuko dituen bideoa argitaratuko dugu.