Finala Gasteizen, azaroaren 30an 2017-11-23

Bertxoko sariketako azken kanporaketa Izarran

Bertxoko Sariketako laugarren eta azken kanporaketa jokatuko da ostiralean Izarran. Bi bertsolari bikotek hartuko dute parte: Aroa Arrizubieta-Oier Arbina batetik eta Unai Anda-Paula Amilburu bestetik. Arrizubieta eta Anda arituko dira lehian, Arbina eta Amilburu soka lagun gisa. 20:30 hasiko da ekitaldia, gaztetxean.

Finala azaroaren 30ean Gasteizen
Bertxoko Sariketako finala datorren ostegunean jokatuko da, azaroaren 30ean, Gasteizen, Halabedi tabernan, 20:00etan hasita. Lau bertsolari arituko dira kantuan, kanporaketa bakoitzetik publikoak hautatuko bertsolari bana, lehian aritu direnen artean (soka lagun gisa aritu direnak kanpo gelditzen dira).

Bertxoko sariketa 2013an egin zen azkenekoz eta aurten heldu diote berriro ekimenari Halabedi Irratiak eta Arabako Bertsozle Elkarteak. 2013an Ruben Sanchez eta Jon Ruiz de Pinedo izan ziren irabazle.