Baionan jokatu zen finala 2017-11-28

Maider Arregik irabazi du Hernandorena sarieketa

Maider Arregi oñatiarrak irabazi du Hernandorena Saria, Jon Gurrutxagarekin buruz burukoa jokatuta. Bi horiekin batean kantuan aritu ziren Aratz Igartzabal, Maialen Akizu, Nahia Sasco eta Aitor Servier. Saio ederra egin zuten bertsolariek Baionako Zizpa gaztetxean eta jendeak ere ondo erantzun zuen. Publikoak 'Zizpa saria' eman zuen eta hau Aratz Igartzabalentzat izan zen. Sariak EKE-tik, Maite Deliart eta Bertsularien Lagunak elkartetik Gillermo Etxeberria bazkideak eman zituzten.

Hernandorena Sarian lau saio jokatu dira, hiru kanporaketa eta finala. Kanporaketetako bi lehen sailkatuek kantatu dute finalean.