Sebastian Lizasok jantziko du txapela 2017-12-12

"Ohore handi bat da Lizasotarren izenean txapela jartzea"

Sebastian Lizasok izango du aurtengoan txapeldunari txapela jartzeko ohorea. Bertozale Elkarteak Sebastianen ibilbidea ez ezik bere aita Joxe Lizaso zena ere omendu nahi izan du izendapen honekin. Hain zuzen ere, Joxe Lizasoren errautsak zabalduta dauden lekuan jakinarazi zion Iñaki Muruak Sebastian Lizasori txapela jarriko zuenaren erabakia. Sebastianek eskerronez eta hunkituta hartu du bertsolari familiari egindako ohore hori.