Bertsolari Txapelketa Nagusia 2017 2017-12-17

Maialen Lujanbio txapeldun

Maialen Lujanbiok irabazi du 2017ko Bertsolari Txapelketa Nagusia Aitor Mendiluzerekin buruz-burukoa jokatuta. Sebastian Lizasok jantzi dio txapela. Ondoren sailkatu dira, hurrenez hurren: Sustrai Colina, Amets Arzallus, Igor Elortza, Aitor Sarriegi, Beñat Gaztelumendi eta Unai Agirre. 14.000 bertsozalek bete dute Barakaldoko BEC aretoa. Finaleko bertsoaldi onenak ikusgai daude sareko plazan.

Maialen Lujanbiok irabazi du 2017ko Bertsolari Txapelketa Nagusia Aitor Mendiluzerekin buruz-burukoa jokatuta. Sebastian Lizasok jantzi dio txapela. Ondoren sailkatu dira, hurrenez hurren: Sustrai Colina, Amets Arzallus, Igor Elortza, Aitor Sarriegi, Beñat Gaztelumendi eta Unai Agirre. 14.000 bertsozalek bete dute Barakaldoko BEC aretoa. Finaleko bertsoaldi onenak ikusgai daude sareko plazan. 

Horrela sailkatu dira zortzi finalistak:

1- Maialen Lujanbio           1756    punturekin

2- Aitor Mendiluze            1680,5  punturekin

3- Sustrai Colina              1137,5  punturekin

4- Amets Arzallus            1136     punturekin

5- Igor Elortza                1124     punturekin

6- Aitor Sarriegi              1107,5  punturekin

7- Beñat Gaztelumendi   1076,5  punturekin

8- Unai Agirre                1072,5  punturekin

Bertsoaldi onenak sareko plazan

Barakaldoko BECen kantatu diren bertsoaldi onenak ikusgai daude Bertsoa.eus sareko plaza digitalean.

Txapeldunaren hitzak sareko plazan

Maialen Lujanbio txapeldunari egindako elkarrizketa sakona batuko duen bideoa argitaratuko dugu astelehenean. Bertan txapeldunak orain arte txapelketan bizitakoak, txapela irabaztean sentitutakoak, etorkizunean plazan egin nahi duenaren buruzkoak eta askoz gehiago entzuteko aukera izango da. Asteartean hernaniarrarekin buruz-burukoan kantatu duen Aitor Mendiluzeri egindako elkarrizketa argitaratuko dugu.

Aulki-jokoa finalean, saio berezia

Asteleheneko Aulki-jokoa  telebista programak BEC-eko finala izango du ardatz. Bertan, saioko bertsoaldi onenak entzuteko aukera izateaz gain, buruz-burukoan kantatu duten bertsolarien hitzak entzuteko aukera izango da. Gainera, Edurne Azkarate, txapela jazteko ardura izan duen Sebastian Lizasorekin elkartuko da. Bihar, astelehena, iluntzeko 22:30etan ETB1en.