Bertsolariak eta ikerlariak Renora

Renoko Euskal Ikergunearen eta Mintzola Ahozko Lantegiaren eskutik bertsolari eta ikerlariak Renon izango dira National Cowboy Poetry Gathering izeneko topaketen harira antolatutako, Bertsolaritza eta emakumea, marjinazioa eta ahalduntzea izeneko jardunaldietan. Jone Miren Hernandez ikerlaria, Maialen Lujanbio, Miren Artetxe eta Oihana Iguaran bertsolariak joango dira.
Urtarrilaren 29tik otsailaren 3ra izango da National Cowboy Poetry Gathering izeneko topaketak Elkon, Nevadan, The Western Folklife Centerren eskutik.

Topaketetan euskal kulturarekin eta bertsolaritzarekin lotura duten beste zenbait ekintza ere egingo dira: besteak beste, Bertsolari ikus-entzunezkoa eskainiko da.