84 urte zituela 2018-01-18

Jon Mugartegi zendu da, 60. hamarkadan Euskal Herriko hiru finaletan kantatu zuen bertsolaria

Jon Mugartegi Berriatuko bertsolaria hil da 84 urte zituela. 1949an plazaratu zen Amoroton eta geroztik gerra osteko pizkunde garaian plazaz plaza ibili zen. Garai horretan heldu zitzaien berriro txapelketei eta Mugartegik nabarmentzeko lana egin zuen eremu horretan ere. Bizkaiko lehenengo Txapelketa irabazi zuen 1960an, zezen plazan jokatu zen txapelketa hartan. Segidan, Euskal Herriko hiru finaletan kantatu zuen Mugartegik, 1960, 1965 eta 1967an. 80ko hamarkadan ere beste hiru Txapelketa Nagusietan eta zenbait Bizkaiko Txapelketetan kantatu zuen Mugartegik.