Arabako Bertso Kuadrilla artekoa 2018-01-30

Arabako Kuadrilla artekoan, Araba Errioxako Txandrio, Aramaio eta Gasteizko Errexala irabazle

Joan den asteburuan Arabako Bertso Kuadrilla arteko hiru saio jokatu dira Aramaion, Agurainen eta Oionen. Hiruretan elkarteak bete egin dira eta oso giro onean joan dira saioak: idatzizko sorta lehenik eta bat-batekoa ondoren. Aramaion Aiaraldeko Alfreedo eta Aramaioko Ibabeko Bertaren bilobak aritu ziren lehian eta etxekoak gertatu ziren irabazle. Oionen ere berdin, Legutioko Tribitu taldea eta etxeko Txandrio taldea aritu ziren, Arabar errioxakoak irabazi zuten. Hirugarren saioa, Agurainen izan zen eta hor Gasteizko Errexala taldea gailendu zitzaion eta Lautadako Ezustean eusten taldeari.

Arabako Bertso Kuadrilla artekoak bi fase (liga eta finalaurrekoak) eta finala izango ditu eta datorren asteburuan jokatuko dira ligako azken saioak. Finalaurrekoetara sei talde pasako dira eta finalera hiru.