Bertsoa eta irudia 2018-02-12

Abian da Bertsomovieda lehiaketa

Abian da Bertsomovieda lehiaketa
Oinarrizko baldintza da lana bertsoren bat ageri den bideoa izatea, gutxienez 7 segundokoa. Heldu zein gazteentzat da lehiaketa eta 2.500 euro daude saritan. Apirilaren 9tik 20ra arte egongo da zabalik lanak aurkezteko epea.

Martxan da bertsoa eta irudia elkartzen dituen Bertsomovieda lehiaketaren 7. edizioa. Bertsoklip, irudiz hornitutako bertso sorta, edo besteren baten bertso + irudiekin osatutako edozein bideo aurkez liteke… eta baita beste edozein formatutako bideoren bat ere.

Oinarrizko baldintza da lana bertsoren bat ageri den bideoa izatea, gutxienez 7 segundokoa. Grabatu, internetera igo, eta Bertsomoviedako antolatzaileei horren berri ematean datza lehiaketa. 

Ez dago inongo mugarik: mundu osora zabaldutako lehiaketa da, edonork har dezake parte, taldeka ala bakarka. Sariak honakoak dira:

  • Gazteentzat:
    • 300€ bertsomovie onenari
  • Helduentzat:
    • 1000€ko lehen saria
  • Guztientzat
    • 500€ko saria botorik gehien biltzen dituen bertsomovieari
    • 200na €ko bi sari, epaimahaiak erabakitzen dituen bi aipameni
    • Bertsorik onenak dituen bertsomovieari 250€

Epeak

Apirilaren 9tik 20ra arte egongo da zabalik lanak aurkezteko epea, eta apirilaren 23tik apirilaren 27ko eguerdiko 12ak arte egongo da bozka emateko aukera zabalik. Parte hartzeko oinarriak, beheko dokumentuan.