Miren Amuriza 2018-02-22

"Agortuta dago bertsotan eredu idealaren proiekzio hori ematea. Norbere kontraesanek ere joko handia eman lezakete, umoretik"

Miren Amurizak (Berriz,1990) oso gazterik eman zuen plazarako jauzia. Bertsolaritzaren formato eta espazio desberdinak ezagutu izanaren poza du. Aspaldian gustura dabil plazan bertsotan eta Txapelketa Nagusian egindako lanarekin ere sentsazio onarekin gelditu da. Udazkenean Bizkaikoan ere parte hartzeko asmoa agertu du.

Amurizak bere bertso esperientziaren eta ikuspegiaren testigantza oso interesgarria utzi du Bertsoan: aita-alaben arteko bertso esperientzia, txapelketak utzitako ikasgaia, bertsolaritzaren baitan leudeken mundutxo desberdinen arteko egoerari buruzko gogoetak, genero ikuspegian neska gazte belaunaldiek dakarten ahalduntzea... eta beste hainbat