Arabako Bertso Kuadrilla artekoa 2018-02-26
Aramaioko Ibabeko Bertaren bilobak taldea ere finalera
Arabako Bertso Kuadrilla arteko bigarren finalaurrekoa jokatu zen Amurrioko kultur etxean. Aramaioko Ibabeko Bertaren bilobak taldea eta Gasteizko Bapateroak lehiatu ziren bertan eta aramioarrak izango dira Gasteizko finalean. Hirugarren finalista asteburu honetan erabakiko da.
Arabako Bertso Kuadrilla arteko bigarren finalaurrekoa jokatu zen larubatean Amurrioko kultura etxean. Aramaioko Ibabeko Bertaren bilobak taldea eta Gasteizko Bapateroak lehiatu ziren. Saio umoretsua izan eta Aramaioko taldea sailkatu zen finalerako. Gasteizko Bapateroak taldearen izenean Aroa Arrizubieta, Unai Anda, Maddalen Arrausi, Xabier Antia eta Mikel Martin bertsolariak aritu ziren kantuan. Aramaixoko Ibabeko Bertaren bilobak taldearen izenean Xabi Igoa, Manex Agirre eta Andere Arriolabengoa. Mokadu txiki baten ostean Aiaraldeko Alfreedon taldeak prestatutako bertso sortarekin hasi zen saioa, Alfreedo eta Julen gaitzat hartuta.
Gai jartzaile lanetan Nieves del Alamo gasteiztarra aritu zen. Saioa hiru epailek baloratu dute: Egoitz Iradier Bapateroak taldearen ordezkaria, Iker Elexpuru Aramaioko taldearen taldearen izenean eta Patxi Aizpurua Arabako Bertsozale Elkerteko epaile gisa.
Hautaketa Bertsoan
Kuadrilla arteko bigarren finalaurrekoaren bertso hautaketa sarean izango da astean zehar.
Hirugarren finalaurrekoa asteburuan
Datorren larunbatean Bertso Kuadrilla artekoaren hirugarren eta azken finalaurrekoa jokatuko da Aramaion, Errekaleor bizirik eta Sumendi bete poto taldeen artean.
Albiste gehiago
Larunbatean 21:00etan ETB1en 2026-05-15
'1tz4l1 eta P1ztU', Zarauzko jaialdia eta Xabi Paya gonbidatu Hitzetik Hortzeran
Gaztetxeak Bertsotan sariketako finala larunbatean Azkoitian 2026-05-11
«Gazteon gaiak bertsotara eraman eta hain bertsozalea ez den publikoarekin konektatzea bilatzen dugu»
Arabako Txapelketako finala aurkeztu dute gaur Gasteizen 2026-03-25
Araba final berri eta ireki baten aurrean
Xabi Paya Ruiz - 'Ganbarako lana' antzezlanaren egilea 2026-02-17
«Bertsolari baten sormen prozesua irudikatu nahi izan dut antzerkiaren begietatik»
Aitor Etxebarriazarra Gabiola - Bizkaiko Txapelduna 2025-12-23
«Finalean eman nezakeena emandako sentsazioarekin gelditu nintzen»
Jexux Mari Irazu