Altzako VIII Bertsopaper Lehiaketa 2018-03-02

Bertsopaper lehiaketa antolatu dute Altzan

Altzako Bizarrain Euskara Elkarteak zortzigarrenez antolatu du bertsopaper lehiaketa aurten.

 Parte hartzeko baldintzak

 Lehiaketa 18 urtetik gorako helduei zuzendua dago. 3 bertsotik 8ra bitarteko sortak aurkeztu ahal izango dira, gai eta doinu librean, martxoaren 12tik apirilaren 15era bitartean. Nahi izanez gero emailez bidali daitezke lanak (bizarrain@altza.net), baina posta arruntez bidaltzeko aukera ere badago (Casares Kultur Etxea, Darieta Bidea 1, 20017 Altza).

 Sariak

 Epaimahaiak apirilaren 21ean emango du bere erabakiaren berri, Altzako Bertso Asteko bertso-bazkarian. Han egingo da sari-banaketa. Irabazleak tableta digital bat eta Altzako baserrietako produktuz osatutako otarra jasoko ditu. Altzatar batek idatzitako sorta onenak, berriz, Antton Mendizabalek egindako "Lau Haizetara" oroigarria eta otarra jasoko ditu.

 Informazio gehiago nahi izanez gero egin klik hemen.