Bardoak -bigarren fasea 2018-03-05

Baztan-Malerreka, Leitza eta Lesakarrak pauso bat aurrera

Baztan-Malerreka, Leitza eta Lesakarrak pauso bat aurrera
Bigarren faseko lehen saioak jokatu dira asteburuan. Baztan-Malerrekako Addams familia, Leitzako Aldatzea komeni eta Unibertsolariak taldeek lortu dute abantaila.
Nafarroako Bardoak azken txanpan sartu dira. Asteburuan bigarren faseko ehen hiru saioak jokatu dituzte, Iruñean, Beran eta Aldatzen. Harrera beroa izan dute saioek eta hiru irabazle utzi dituzte.

Iruñean, etxeko Topa bardo kopa! eta Baztan-Malerrekako Addams familia ziren kantuan Arrano Elkartean. 50 entzule inguruk segitu zuten bizi joan zen saioa eta azkenean bisitarientzat izan zen bigarren faseko lehen puntua.

Beran, Kataku tabernan. 30 lagun segitu zuten herriko Ibardin: Hiru ta lau dira zazpi eta Leitzako Aldatzea komeni. Puntua Leitzara joan zen, beste taldeko lau kidek eta entzuleek hala erabakita.

Aldatzen, Martixa elkartea bete zuten 60 lagunek gozatu ederra hartu zuten Larraun da Araitz. Bi dozena eta Lesakako Unibertsolariak taldeek eskaini zuten saioarekin. Azkenean, hemen ere bisitarientzat izan zen puntua.

Bigarren fasera sailkatzea lortu duten sei talde hauek itzulerako saioak izango dituzte asteburuan eta hor erabakiko da zeintzuk diren Lekunberriko finalean kantatuko duten hiru taldeak. Asteburuko saioak Erratzun eta Leitzan jokatuko dira ostiralean eta Lesakan, igandean.

Albiste gehiago

Jone Larrinaga Dañobeitia - Bertsolari Bertsozale Podkasta 2024-03-28

«Bertsolaritzaren garapena aberatsagoa da espektatibarik gabe»

Mikel Artola Izagirre - Gipuzkoako Bertsozale Elkarteko koordinatzailea 2024-03-26

«Gipuzkoan 10-50 urte bitarteko bertsolari ia denek kantatuko dute udaberrian»

Juanjo Uria Zubiarrain - Bertsolari bertsozale podkasta 2024-03-15

Juanjo Uria: bertsoa eragiletzatik eta pasiotik bizi duen hernaniarra

Araitz Katarain, Izaro Bilbao eta Janire Arrizabalaga - elkarrizketa 2024-03-13

«Bertso munduratze prozesu horretan sortzen diren gatazkak gorpuztuko ditugu, mimoz, arduraz eta umorez»

Larunbat gauean 21:00etan ETB1en 2024-03-07

Hitzetik Hortzera Xabier Rico Arabako txapel emailearekin