Bizkaiko Txapelketako udaberriko fasea apirilararen 14an hasiko da

Udabarriko fasearen ostean, udazkenekoa etorriko da. Horretan 30 bertsolarik kantatuko dute, udabarriko fasetik sailkatutakoak eta 2014ko finalista izan zirenek edukiko dute horretarako aukera. 2016an finalista izandakoak finalaurrekoetako fasean hasiko dute Txapelketa.

Basoaren atzean, ekosistema osoa
Bizkaiko Txapelketaren irudia Basoa izango da "kolore desberdinetako baso bat". Antolakuntzako komuzikazio Taldeak garatu du aurtengo irudiaren ideia. Irudiarekin adierazi nahi izan dena da, "Txapelketan ikusten dena baino askoz gehiago dela Bizkaiko bertsolaritza. Baso bat ikustean kanpokoa bakarrik ikusten dugu, baina badakigu barruan bizi handia dagoela, ekosistema oso bat. Bertsolaritzarekin ere berdina gertatzen da: Txapelketan bertsolarien lana ikusten da, baina horren atzean ekosistema osoa dago: Elkartea, bertso eskolak, hezkuntza arautuko klaseak, plazak eta abar luzea".

Sarrerak
Udabarriko faseko sarrerak saioak jokatzen diren egunetan bertan, txarteldegian erosi ahal izango dira. 3 euro balioko du sarrerak; bazkideek 2 eurotan eskuratu ahal izango dituzte; eta 16 urtetik beherakoek, dohain.

Informazio bideak

Txapeltaren webgune honetan egongo da informazio osoa: saioak, bertsolariak, asteroko albisteak, argazkiak eta bestelakoak. Gainera, sare sozialen bidez ere jarraitu ahal izango da txapelketa, Elkartearen Twitter, Facebook eta Instagram kontuen bitartez. Bertsoa.eus atariak ere jarraipena egingo dio Txapelketari.