Gazte sariketak 2018-03-23
Durangaldeak irabazi du BBK sariketa, puntu erdi batengatik
Uribe Kosta eta Durangaldeko 12 bertsolari gaztek kantatu dute finalean. Bertso hautaketa sareko plazan izango da datorren astean.
Durangaldeak irabazi du XXVI. BBK sariketa, Uribe Kostarekin finala jokatuta. Estu joan da finala eta azkenean Durangaldekoak puntu erdi bat gehiago lortu dute, 393.50 puntu eta 393.00 puntu Uribe Kostak.
Finalean ondorengo 12 bertsolari gazteak izan dira protagonistak:
- Durangaldea:
- 18 urtera artekoak: Eider Gallastegi Agirrebeitia, Ander Sarriugarte Garcia, Bittor Altube Sarrionandia
- 24 urtera artekoak: Eneko Barruetabeña Bilbao, Iker Apraiz Solaguren eta Txaber Altube Sarrionandia
- Uribe-Kostatik:
- 18 urtera artekoak: Aritz Landeta Terceño, Maider BarañanoUribarri eta Naroa Torralba Rodriguez
- 24 urtera artekoak: Maialen Ruesgas Rasines, Unai Mendiburu Valor eta Kerman Diaz Franco
Aurten, lehenengoz, taldekako agurrekin hasi dute saioa bertsolariek, eta elkarri adarra joaz girotu dute aretoa. Talderik originalenari saria Uribe Kostako gazteen taldeak eskuratu du. Taldekideek Bizkaiko Bertsolari Txapelketako saioetarako sarrerak lortu dituzte.
Bestalde, finaleko Bizkaiera onenaren saria Txaber Altube Sarrionandiak jaso du.
Itxaro Juaristi Olaetxea ibili da aurkezle lanetan. Epaimahaian Juanjo Respaldiza Ozaetak, Inazio Vidal Gurrutxagak eta Miriam Juaristi Urizarrek osatu dute. Idazkari Ione Narbaiza Gallastegi aritu da
Albiste gehiago
Larunbatean 21:00etan ETB1en 2025-03-20
Donostiako Intxaurrondo eta Mendaroko bertsoak Hitzetik Hortzeran, Marisa Barrena wikilari bertsozalearekin
Martxoak 8 - Emakumearen Nazioarteko Eguna 2025-03-05
