"Lazkao Txiki denboraren ispilutik" 2018-04-09

Lazkao Txikiri buruzko saio berezia eskainiko dugu ostegunean

 Mende laurdena bete da Lazkao Txiki bertsolari maitatu eta ezaguna hil zenetik. Bertsozale askoren memorian iltzatuta geratu ziren haren bertso, pasarte eta ateraldiak. Baina mende laurden honetan, asko aldatu da Euskal Herria, eta baita bertsogintza ere. Garai hartan jaio zirenentzat, nor da Lazkao Txiki?

 "Lazkao Txiki denboraren ispilutik"

 Galdera horri erantzuna eman nahian, Edurne Azkarate aurkezle duen programa berezia eskainiko dugu ostegun honetan Bertsoa.eus-en. Programan Lazkao Txikiren bertso onenen bilduma eskaintzeaz gain Iñaki Murua bertsokidearen testigantza jasoko dugu. Eta Ane Labakak bertso bidezko gogoeta bat ere egingo digu. Umorea genero perspektibatik aztertzen ari da lasartearra, eta horren inguruko gogoeta egingo digu.